jueves, 21 de marzo de 2013

21 DE MARZO: DÍA DA POESÍA (1)

Como xa indicamos nunha entrada anterior, para celebrar o DÍA DA POESÍA organizamos un recital con poemas de ROSALÍA DE CASTRO. 

Onte, día 20 de marzo, primeiro recitaron os poemas os alumnos/as de Educación Infantil:


"PARECE UNHA ROSA"




Despois tocoulles aos alumnos/as do 3º ciclo de Educación Primaria:
"ADIÓS RÍOS, ADIÓS FONTES"



"PRA HABANA"



lunes, 11 de marzo de 2013

XORNADAS DE BIBLIOTECAS ESCOLARES

Os días 7 e 8 de marzo, celebráronse en Santiago os ENCONTROS DO PLAN DE BIBLIOTECAS ESCOLARES 2012/2013. Reunímonos alí os responsables dos 504 centros que forman parte deste Programa.
No noso caso, só acudimos aos Encontros o día 8, xa que pertencemos ao PLAMBE dende o curso 2008/09.


Resumido, este foi o programa que tivemos :

Pola maña, primeiro, escoitamos a JOSEP MANUEL PÉREZ TORNEIRO Catedrático de Xornalismo e Ciencias da Comunicación da Universidade Autónoma de Barcelona.
Logo, tivemos a ocasión de asistir a unhas "mesas de experiencias" nas que diferentes docentes explicaron algunhas das actividades que levan a cabo nos seus centros. Así puidemos escoitar a Susana Seoane de CEIP Os Muiños de Muxía, e a Margarita Olivar do IES de Ames, que nos mostraron como traballan nos seus centros, sen libros de texto, elaborando proxectos.


Xa, pola tarde, tivemos  reunións por zonas: reunímonos todos/as as responsables de Bibliotecas Escolares de Ferrolterra (dende Pontedeume, ata Ortigueira). 

E, como remate aos encontros puidemos desfrutar dunha conferencia que, co título: " A construcción do lector" nos ofreceu  AGUSTÍN FERNÁNDEZ PAZ.


(fotos: Emilio Roca, IES Pedra da Aguia)

jueves, 7 de marzo de 2013

LIBROS NOVOS

Como noutras ocasións, temos, na entrada do colexio, unha exposición de libros novos. Esperamos que sexan do voso interese.


miércoles, 6 de marzo de 2013

PONTE NO MEU LUGAR

O venres, 8 de marzo, persoal da Asociación de Nais e Pais de Nenos e Nenas con Problemas Psicosociais (ASPANEPS) acudiran ao noso colexio para desenvolver  un proxecto de sensibilización sobre as discapacidades co alumnado de 6º curso de Educación Primaria, que leva por título:
 "PONTE NO MEU LUGAR"
Xa estiveron con nós, hai uns días, e nos colocaron polos corredores do colexio unha serie de paneis informativos.

Deixámosvos o enlace á súa páxina web 

lunes, 4 de marzo de 2013

8 de marzo: DÍA DA MULLER TRABALLADORA

Dende o CEIP Milladoiro de Malpica, enlazamos este "SITE" no que podemos atopar unha morea de recursos relacionados con este día.


Ademais, aquí, vos deixamos o enlace á páxina ONU MUJERES, na que o próximo venres, 8 de marzo, estrearase unha canción na que, como explican na súa presentación:
Célebres cantantes y músicos procedentes de todo el mundo, desde China a Costa Rica, desde Malí a Malasia, mujeres y hombres, se han reunido para divulgar un mensaje de unidad y solidaridad: somos “One Woman”, una sola mujer.


sábado, 2 de marzo de 2013

CONTACONTOS DE KALANDRAKA

O xoves, 28 de febreiro, tivemos a visita de ALEX e PATRICIA, contacontos de Kalandraka. Puideron desfrutar cos seus contos e a súa música todos os nenos e nenas de 5º e 6º de Educación Infantil. Como ven sendo habitual pasárono xenial!
 Traían o abrigo de LORETO e con el moitos contos: A GALIÑA ROXA; CRÍCTOR,...
Aquí tedes algunhas fotos:





FOTOS EXCURSIÓN: CASA DAS CIENCIAS+MUNCYT

O mércores, 27 de febreiro, o alumnado de 4º, 5º e 6º de Educación Primaria foi de visita á Casa das Ciencias e ao MUNCYT. Aquí vos deixamos a reportaxe fotográfica.