24 de outubro: DÍA DAS BIBLIOTECAS

 Que é para ti a biblio? 

Cada 24 de outubro celébrase en España o Día da Biblioteca, creado en 1997 pola Asociación de Amigos del Libro Infantil y Juvenil co patrocinio do Ministerio de Educación, Cultura e Deporte en recordo da destrucción da Biblioteca de Sarajevo, incendiada en 1992 durante o conflito balcánico.

Para conmemorar ese día tan especial, os nenos e as nenas do colexio escribiron nos post-it o que significa para eles e elas a nosa biblioteca escolar. Queredes botar unha ollada ás súas respostas??? Adiante!!!

LIBRO VS PELÍCULA. Cal che gusta máis?

16 de outubro: APERTURA DA BIBLIO

Ola, raparigos e raparigas:

Son Libroucho!

Como xa sabedes a temática anual deste curso escolar é o cine; e imos aprender moito sobre el, porque … NESTA BIBLIO HAI MOITO CINE!!! 

O vindeiro luns 16 de outubro, abrimos a biblioteca do centro. Preparei unha actividade para vós, espérovos alí. Non faltedes!!!

CREA O TEU MINILIBRO ( Semana das LETRAS GALEGAS)

 

NOVIDADES MAIO

 

Semana da LETRAS GALEGAS. Francisco Fernández del Riego.

 

Títulares bizarros no Eladia

 Aquí temos as noticias bizarras do noso alumnado. Canta imaxinación … Encántanos!!!

Como se fai un libro?

 Os nenos e nenas de 4ºEP e 6º EP elaboraron unha curta onde nos explican paso a paso o proceso de elaboración dun libro. Pica no seguinte enlace que che levará a páxina web do noso cole; é o segundo vídeo. 

https://www.edu.xunta.gal/centros/ceipeladiamarino/node/691

Os nosos libros favoritos

 Pica no seguinte enlace e adiviña cales son os libros favoritos dos nenos e nenas do Eladia. 

https://www.edu.xunta.gal/centros/ceipeladiamarino/node/691

NOVIDADES ABRIL

 

SEMANA DO LIBRO

 Nos vindeiros días celebraremos no colexio a Semana do Libro, coincidindo coa celebración do Día do Libro o vindeiro domingo 23 de abril. Temos preparadas moitas actividades para esta conmemoración. 

O día do Libro celébrase dende 1930 en España, e escolleuse esta data porque gardaba moita relación co ámbito literario, pois foi o día no que faleceron tres figuras literarias relevantes Miguel de Cervantes, William Shakespeare e Inca Garcilaso de la Vega, no ano 1916.

O Principiño cumpre 80 anos!

 O 6 de abril de 1943 “Le Petit Prince”, de Antoine de Saint-Exupéry, foi publicada por primeira vez en Nova York. Malía os 80 anos que cumpre, está tan noviño coma sempre, e segue a cativar coas súas ensinanzas a lectores e lectoras de todas as idades.

Os nenos e nenas de 4 anos vos propoñen un xogo moi divertido onde poder desatar a vosa creatividade. Consiste en compartir a túa versión do debuxo do elefante dentro da boa que lle fai o aviador ao Principiño. Recordas cal é? Algúns vían só un simple sombreiro… Pois agora, tócache a ti! Hai infinidade de posibilidades…

Participa!!! Na entrada do cole, ao carón da porta, tes todo o necesario para facelo. Sorpréndenos coas túas creacións!!!

21 de marzo: DÍA MUNDIAL DA POESÍA

Para celebrar o Día Mundial da Poesía, o alumnado do último curso de infantil, 1º, 4º e 6º de primaria nos deleitarán recitando poemas na biblioteca do noso colexio. 
 

NOVIDADES MARZO

 

8 de marzo: DÍA INTERNACIONAL DA MULLER

Achégase o Día da Muller e dende o centro achegámosvos as actividades que se van a realizar nese día.

Exposición e retratos das nosas mulleres 💜

Non podía faltar o noso carro cunha selección de libros moi interesantes. Bótalle unha ollada!

 

SEMANA DA PRENSA (do 6 ao 10 de marzo)

Primeira “noticia bizarra”!!! Será verdadeira??? 

Segunda “noticia bizarra”. A ver quen acerta se é verdadeira ou falsa?

Última “noticia bizarra”… Hai máis árbores na Terra que estrelas na galaxia? 🤔

23 de febreiro: DÍA DE ROSALÍA

 0 día 23 de febreiro celébrase o DÍA DE ROSALÍA DE CASTRO, conmemorando así o día do seu nacemento, no que este ano se celebra o 186 aniversario.

ACTIVIDADES EN COLABORACIÓN CO CONCELLO DE CABANAS

En colaboración coa área de dinamización lingüística do CEIP Eladia Mariño, a área de normalización lingüística do Concello de Cabanas desenvolve esta mañá unha actividade inspirada na música en conexión coas emocións e con Rosalía.

Ademais, o día 2 de marzo terá lugar un contacontos teatral adicado á poetisa. A través da personaxe de Andrea, unha xornalista saída do século XIX, o público infantil achegarase á figura de Rosalía como unha muller pioneira do seu tempo, coa inclusión deste tema a partir dun fragmento de “Lieders”. Tamén se traballará con fragmentos dos seus textos máis importantes.

NOVIDADES FEBREIRO